MASAJI ZA SALUNI CHANZO CHA KUPOOZA NA KUHARIBU UTI WA MGONGO
Wataalamu wa upasuaji wa ubongo na uti wa mgongo wameonya wananchi kuacha tabia ya kufanyiwa masaji, kuvutwa au “kukunjwa” shingo na watu wasio na utaalamu, wakiwamo baadhi ya vinyozi, wakisema kitendo hicho kinaweza kuharibu uti wa mgongo na kusababisha kupooza mwili.
Utaratibu huo umetajwa kuwafanya baadhi ya wanaume kuwa na maumivu ya sehemu ya chini ya mgongo yanayosambaa hadi miguuni, pamoja na maumivu ya shingo na mabega.
Onyo hilo limetolewa jana, Septemba 11, 2026, na Karanjit Singh Narang, daktari bingwa wa upasuaji wa ubongo na uti wa mgongo kutoka Hospitali ya Medanta nchini India, aliyeko Dar es Salaam kwa ajili ya kambi ya matibabu inayolenga kutoa elimu na ushauri kwa wagonjwa wenye matatizo ya ubongo, uti wa mgongo na shingo.
Katika baadhi ya maeneo nchini, masaji ya shingo baada ya kunyoa nywele ni huduma inayotolewa na baadhi ya vinyozi.
Amesema kuwa shinikizo au mjongeo mkali wa shingo unaweza kuathiri mishipa inayopita katika eneo hilo.
Uharibifu huo unaweza kusababisha madhara makubwa ya mishipa ya fahamu, ikiwamo kupoteza uwezo wa baadhi ya viungo kufanya kazi.