CHANGAMOTO ZA BIASHARA MSIMU HUU WA MFUNGO
Na Angelina Mbunda (UoI) MATUKIO DAIMA MEDIA
Baadhi ya wajasiliamali wadogo wadogo Mkoani Iringa wameeleza changamoto wanazozipitia katika msimu huu wa mfungo yaani ramadhani na kwaresma,
Wakizungumza Matukio Daima Media wajasiriamali hao wamesema kuwa Hali ya biashara kwa Sasa ni ngumu sana ukilinganisha na kipindi Cha nyuma na hii inatokana na mfungo unao endelea Sasa.
Mjasiriamali wa mgahawa alimaharufu kama mama ntilie Moten Emili amesema kuwa Hali ya biashara kwa Sasa ni ngumu sana kutokana na mfungo unaoendelea hivyo biashara inakua ngumu sana hasa mchana sababu watu wanakua hawali chakula adi jioni.
"Hali ya biashara kwa Sasa ni ngumu sana na changamoto sababu mchana kunakiwa hakuna wateja kabisa na hiyo inatokana na mfungo unaoendelea".
Mjasiriamali Abraham Kameta ambaye ni muuzaji wa ndizi na nyanya amesema kuwa biashara kwa Sasa ni ngumu sana kutokana na watu wapo kwenye mfungo hivyo bidhaa zao zinaharibika kutokana na kukaa mda mrefu.
" Saizi biashara ni ngumu na inachangamoto kubwa sana Kwa sababu watu wengi wapo kwenye mfungo hawanunuhi mahitaji ya kutosha kama walivyokuwa wananunua mwanzo kwaiyo kama nyanya huwa zinaharibika sana na sisi tunapata hasara na mtaji wetu ni mdogo sana".
"Biashara kwa Sasa ni ngumu sana kutokana na Hali ya hewa vile vile kutokana na ramadhani na kwaresma hivyo mchana tunakaa tuu na hakuna wateja ila jioni walao kidogo wateja wanakuja kununua bidhaa kwa ajiri ya futari".