POLISI WACHUNGUZA MAUAJI YA MCHINA MKURUGENZI WA KIWANDA DAR

 

Jeshi la Polisi Kanda Maalum ya Dar es Salaam linaendelea na uchunguzi kuhusu tukio la kuuawa kwa mmiliki wa kiwanda cha kuchakata chuma cha XIL LI, raia wa China aliyefahamika kwa jina la Bhaozang Ge (50). 

Tukio hilo lilitokea Mei 16, 2026 majira ya saa 8:00 usiku katika eneo la Mabibo Ubungo jijini Dar es Salaam, ambapo marehemu anadaiwa kushambuliwa na walinzi binafsi wa kiwanda chake na kupoteza maisha akiwa eneo hilo.

Kwa mujibu wa taarifa iliyotolewa Mei 19, 2026 na Kamanda wa Kanda Maalum ya Polisi Dar es Salaam, uchunguzi wa tukio hilo bado unaendelea ili kuwabaini na kuwachukulia hatua za kisheria wote waliohusika na tukio hilo. 

Jeshi la Polisi limewahakikishia wananchi kuwa hatua stahiki zitachukuliwa mara baada ya uchunguzi kukamilika.

Matukio Daima Habari hukuletea habari mpya Tanzania ikiwemo matokeo ya NECTA, elimu, ajira na matukio ya kila siku. Tembelea 👉 www.matukiodaimahabari.co.tz